تبلیغات
♥سیاسی♥بین المللی ♥فرهنگی ♥دینی ♥اقتصادی ♥علمی ♥ورزشی ♥ - مطالب آبان 1394 ایکو
 
 
پیغام مدیر :
با سلام خدمت شما بازدیدكننده گرامی ، خوش آمدید به سایت من . لطفا برای هرچه بهتر شدن مطالب این وب سایت ، ما را از نظرات و پیشنهادات خود آگاه سازید و به ما را در بهتر شدن كیفیت مطالب یاری کنید.
 
 
نجه قان آغلاماسین داش بو گون
نوشته شده در شنبه دوم آبان 1394
ساعت : ساعت 03 و 15 دقیقه و 51 ثانیه
نویسنده : Hossein Ashrafi
بسم الله الرحمن الرحیم



نجه قان آغلاماسین داش بو گون    
 کسیلیب یئتمیش ایکی باش بو گون

توکولوب توپراقا باشسیز   شهدا     
 کربلا دشتی  اولوب  کوه  منا

موج ایدر  قانیله  دریای     بلا        
  نجه قان آغلاماسین  داش    بو گون

بو همان گوندی باتوب یاسه جهان    
 بویانوب قانه سوسوز  پیر  و   جوان

انبیالر باش آچوب  آغلیری    قان      
 نجه قان آغلاماسین  داش   بو گون

بو همان گوندی سولوب دین چمنی    
 سارالوب سرو و گل و    یاسمنی

قطعه  قطعه  اولوب  اکبر   بدنی       
 نجه قان آغلاماسین داش  بو  گون


ویردی لیلایه خبر      شاه  زمن         
 اکبرون گلدی  گل   ای  کان محن

بیر  عبانین  دولوسی قانلو  بدن       
  نجه قان آغلاماسین  داش بو گون

طوی دوتوب قاسمه شاهنشه دین        
 ایتدیلر  بزم  عزا    حجله گهین

یاخدی قانیله  حنا   تازه گلین            
 نجه قان آغلاماسین داش بو گون

نجه طوی ناله سماواته  سالوب           
 ناله  داماد  آناسندان  اوجالوب

بدنی آتلار ایاقینده  قالوب                  
 نجه قان آغلاماسین داش بوگون

حرمله آلدی اله  تیر و کمان               
 اصغرین حلقین ایدوب تیره نشان

ایچدیروب سو یرینه  قرمزی  قان         
  نجه قان آغلاماسین داش بوگون

کسدی اشرار دنی سو  یولونی         
 تشنه سقانون آلوب صاق صولونی

هم صاقین سالدیلا هم صول قولونی    
 نجه قان آغلاماسین داش بوگون

سالدی دنیایه شرر شمر  دنی            
 کسدی عطشان سر شاه زمنی

قالدی باشسیز قوری یرده بدنی          
 نجه قان آغلاماسین داش بوگون

سنده صحاف ایله شور و فغان                 
   مطلبون تا ویره خلاق جهان

بو گوزل مطلعی قیل بیرده بیان           
 نجه قان آغلاماسین داش بو گون

:: مرتبط با: شعرهای مذهبی/...... ,
:: برچسب‌ها: نجه قان آغلاماسین داش بو گون , اشعار قمه زنی , شعر مذهبی ,