تبلیغات
♥سیاسی♥بین المللی ♥فرهنگی ♥دینی ♥اقتصادی ♥علمی ♥ورزشی ♥ - مطالب شعر های آذربایجان آذری ایکو
 
 
پیغام مدیر :
با سلام خدمت شما بازدیدكننده گرامی ، خوش آمدید به سایت من . لطفا برای هرچه بهتر شدن مطالب این وب سایت ، ما را از نظرات و پیشنهادات خود آگاه سازید و به ما را در بهتر شدن كیفیت مطالب یاری کنید.
 
 
ساعت : ساعت 18 و 18 دقیقه و 20 ثانیه
نویسنده : Hossein Ashrafi
بسم الله الرحمن الرحیم



اینگیلیس ایمانسیز

ایتالیا قورانسیز

بیزه اینه وئرمه‌سه

بیز قالاریق تومانسیز

***

قیزیل اینه ساپلانماز

آتارام اوْدا یانماز

دئسم باشیم آغرییـیر

یاد اوغلودور اینانماز


***

دامدان داما دامیمیز

قوْشادیر ائیوانـیمیز

سن اوْردان گل، من بوردان

كؤر اوْلسون دوشمانـیمیز


***

چای قیراغی بیچیلمز

سویو درین گئچیلمز

بیر جاندان ، بیرده یاردان

شیرینلیكدن گئچیلمز


***

گلیردیم یاواش یاواش

آیاغیما گلدی داش

سندن منه یار اوْلماز

گل اوْلاق باجی قارداش


***

سو درین‌دی گئچیلمز

بولانلیقدی ایچیلمز

دئـییرله یاریندان گئچ

یار شیریندی گئچیلمز

***

عزیزیم بولاریمیش

ایچمه‌لی سولاریمیش

عئزراییلین آدی پیس

جان آلان یوْللاریمیش

***

باشیندا گؤموش سانجاق

گئدیردی بیر یار آنجاق

دئدیم بو اوجا بوْی یار

گؤره‌ن منیم اوْلاجاق

***

قیزیل اوزوك دار بارماق

سؤزلرین بال، دیل قایماق

سئوگی‌لرین حاققی‌دیر

كؤنول تاپشیریب آلماق

***

قالادان اندیم آنجاق

باشیمدان ساری سانجاق

نه قیز اوْلدوم، نه گلین!

اوْدلارا یاندیم آنجاق

***

قیزیل اوزوك دار بارماق

اؤیره‌نیرم تار چالماق

منیم نه واختیم ایدی

بوْشانـیب ائوده قالماق


***

آلمالار بوداق بوداق

یاراندیق بیز، قم اوتاق

نئیله‌میشدیم، كؤسموسن؟

نه ائیله‌ییم باریشاق

***

توت آغاجیندا یارپاق

توتو وار بارماق،‌ بارماق

یالاندی یاردان دوْیماق

آغیز سوت، دوْداق قایماق

***

دووار اوستو پیتـیراق

قیزلار گلین اوْتوراق

اوْتورماقدان نه چیخار؟

گلین اوْلاق قورتولاق


***

من یاری گؤردوم بایاق

الینده ساری داراق

قاچدیم توتا بیلمه‌دیم

سیناسان بئله آیاق


***

توت آغاجی پیتـیراق

چادیر چالاق اوْتوراق

بیرین سن دئه، بیرین من

قوْی بو قمدن قورتولاق


***

آبی پاچین، گوی داراق

یاریمی گوردوم بایاق

قاچدیم چاتا بیلمه‌دیم

سینایدی بئله آیاق

سو گلیر میللندیریر

باخچانی گول‌لندیریر

باخچاداكی چیت تومان

دیل سیزی دیل‌لندیریر


***

ماشین گلیر اوْت گلیر

ایچی دوْلو كوْت گلیر

من اوْ كوْتو گئـین‌ده

قایناناما اوْت گلیر

***

سو داغدان ملر گلیر

داشلاری د‌لر گلیر

ائلدن آیری دوشه‌نین

باشینا نه‌لر گلیر؟

***

پنجره‌دن داش گلیر

خومار گؤزدن یاش گلیر

سنی منه وئرسه‌لر

آللاها دا خوْش گلیر


***

تولوغوم ائللردن گلیر

دورنا گؤل‌لردن گلیر

سنی چالخایان قـیزگلین

سسی ائولردن گلیر


***

آغ بیچین‌دن گلیر

نالی قـیچین‌دان گلیر

قوربان اوْلوم سئوگی‌مه

بی‌‌لر ایچیندن گلیر


***

كهر آت نالی نئـیلیر

آغ بوخاق خالی نئـیلیر

یاری گؤیچك اوْلان‌لار

دونـیادا مالی نئـیلیر


***

داغلار آلاهی نئـیلیر؟

بؤركو كولاهی نئـیلیر؟

سن اوْردایان من، بوردا

گؤر‌ك ایلاهی نئـیلیر؟


***

های سالیرام اوْیانمیر

دردی قمه بوْیانمیر

عئشق اوْدونا دوشموشوك

من یانـیرام اوْیانمیر


***

آراز آراز خان آراز

سولطان آراز خان آراز

گؤروم سنی یاناسان

بیر دردیمی قان آراز

***

داغلاردا قارا باخماز

چیچه‌یه، بارا باخماز

سنی گؤرن گؤزلریم

آیری بیر یارا باخماز


***

درد الیندن جان دورماز

یارام چوْخدور قان دورماز

منی بئله یاندیردین

اوْد دا ائله یاندیرماز


***

سبولود یاغیش‌سیز آچماز

آی گون ایلن قاریشماز

فلك آغلادان كیمه

دئـییب گولمك یاراشماز


***

نه‌دن‌دیر گئده‌ر قالماز

آخار سو گئد‌ر قالماز

وفالی‌یا جان قوربان

وفاسیز گئد‌ر قالماز


***

بوردا دورنا كؤچ سالماز

آلما گؤندرسم آلماز

قم یـئمه دلی كؤنلوم

زمانه بئله قالماز

***

بو داغدان آشماق اوْلماز

نارینجی باشماق اوْلماز

بیر قورو سؤز اوستونده

یارلا ساواشماق اوْلماز


***

بو داغدا ایلان اوْلماز

دردیمی بیلن اوْلماز

دردیمی بیلن اوْلسا

چاراسین قـیلان اوْلماز


***

باخچانـین اوستو اوْلماز

اوْجاق‌سیز توستو اوْلماز

دوْستدان دوشمان تاپیلار

دوشمانـین دوْستو اوْلماز


:: مرتبط با: شعر های آذربایجان آذری ,
:: برچسب‌ها: شعر آذری بو داغدان آشماق اوْلماز نارینجی باشماق اوْلماز بایاتی لار , شعر آذری ترکی , انواع شعر اذری , ادبیات شعر ترکی , شاعران آذربایجان , شعر ترکی ,
 



شعر آذری نه باغ بیلدی نه ده باغبان(سنتی )
نوشته شده در جمعه بیست و سوم اسفند 1392
ساعت : ساعت 16 و 09 دقیقه و 00 ثانیه
نویسنده : Hossein Ashrafi

بسم الله الرحمن الرحیم


شعر آذری نه باغ بیلدی نه ده باغبان(سنتی )

سحر سحر
گیردیم باغا
سحر سحر گیردیم باغا
نه باغ بیلدی نه ده باغبان
نه باغ بیلدی نه ده باغبان
ال اوزالدیب بیر گول دردیم
ال اوزالدیب بیر گول دردیم
نه باغ بیلدی نه ده باغبان
نه باغ بیلدی نه ده باغبان
باغین بره سیندن آشدیم
باغین بره سیندن آشدیم
سوسن سونبوله دولاشدیم
سوسن سونبوله دولاشدیم
اوینادیم گولودم دانیشدیم


یاریمنان گولودم دانیشدیم
نه باغ بیلدی نه ده باغبان
نه باغ بیلدی نه ده باغبان

دئدیم بو باغ عجب یئردی
دئدیم بو باغ عجب یئردی

چیچکلری تازه تردی
چیچکلری تازه تردی
یاریم منه بوسه وئردی
یاریم منه بوسه وئردی
نه باغ بیلدی نه ده باغبان
نه باغ بیلدی نه ده باغبان

و...


:: مرتبط با: شعر های آذربایجان آذری ,
:: برچسب‌ها: شعر آذری نه باغ بیلدی نه ده باغبان(سنتی ) , شعر آذری , شعر ترکی , نه باغ بیلدی نه ده باغبان , شعر , ادبیات آذربایجان , شعر آذربایجان ,
 



شعر عاشقانه ترکی آذری
نوشته شده در دوشنبه هفتم بهمن 1392
ساعت : ساعت 16 و 56 دقیقه و 20 ثانیه
نویسنده : Hossein Ashrafi
بسم الله الرحمن الرحیم


بـیـر ﺩﻧﻪ ﺳـﻦ ﺗـﻮﺭﮎ ﻗﯿـﺰﯼ ﺳـﻦ ، ﻣـﻦ ﺳﻨـﻪ ﻗـﻮﺭﺑـﺎﻥ ﺍﻭﻻﺭﺍﻡ

ﺟـــﺎﻥ ﻭﺋـﺮﻩ ﺭﻡ ﻋﺸﻘﯿـﻨﻪ ﻣـﻦ ، ﺍﯾﮕﯿـﺪ ﺑﯿـﺮ ﺍﻭﻏـﻼﻥ ﺍﻭﻻﺭﺍﻡ

ﺳﻨﯿـﻦ ﮐﯿﻤـﯽ ﮔﻮﺯﻝ ﻗﯿـﺰﺍ ﻫـﺮ ﻧﻪ ﺩﺋﺴـﻢ ﺁﺫ ﺩﺋﻤﯿـﺸـﻢ...


ﺑﯿـﻞ ﮐـﯽ ﻓﻘـﻂ ﮔـﻮﻝ ﺍﻭﺯﻭﻧـﻪ ﺑﻮﻟﺒـﻮﻝ ﺧـﻮﺷﺨـﻮﺍﻥ ﺍﻭﻻﺭﺍﻡ

ﺳـﻦ ﻧﻪ ﺩﺋﺴـﻦ ﻣـﻦ ﺍﺋﻠـﻪ ﺭﻡ ﺩﻭﻧﯿـﺎﻧـﯽ ﺭﯾﻀـﻮﺍﻥ ﺍﺋﻠـﻪ ﺭﻡ

ﻗـﺎﻥ ﺳـﺎﻻﺭﺍﻡ ﺟـﺎﻥ ﺳـﺎﺗـﺎﺭﺍﻡ ﺩﺭﺩﯾﻨـﻪ ﺩﺭﻣـﺎﻥ ﺍﻭﻻﺭﺍﻡ

ﮔﺮ ﺳﻨـﻪ ﭼـﻮﺥ ﺁﺷﯿـﻖ ﺍﻭﻟـﻮﺏ ﻫﺎﻣّﯿـﺴﯿﻨـﯽ ﻗـﺎﭼﯿـﻠـﺪﺍﺭﺍﻡ

ﮐﻮﻧﻠـﻮﻣـﯽ ﻣـﻦ ﯾﺎﻧـﺪﯾـﺮﺍﺭﺍﻡ ﻋـﺸﻘﯿـﻨﻪ ﺳـﻮﻟﻄـﺎﻥ ﺍﻭﻻﺭﺍﻡ

ﺩﻭﺩﺍﻗـﻼﺭﯾـﻦ ﮔـﻮﻝ ﮐﯿـﻤﯿـﺪﯼ ﮔـﻮﺯﻟّﯿـﻐﯿـﻦ ﮔـﻮﻥ ﮐﯿـﻤﯿـﺪﯼ

ﺍﯼ ﻗﯿـﺰ ﺳﻨﯿـﻦ ﻗـﺎﺵ ﮔـﻮﺯﻭﻧـﻮ ﮔـﻮﺭﻧـﺪﻩ ﺣﯿـﺮﺍﻥ ﺍﻭﻻﺭﺍﻡ

ﮔـﺮ ﻣﻨـﻪ ﻟﯿـﻼ ﺍﻭﻻﺳـﺎﻥ ﻋﺎﺷﯿـﻖ ﻭ ﺷﯿـﺪﺍ ﺍﻭﻻﺳـﺎﻥ

ﻣـﻦ ﺩﻩ ﺳﻨـﻪ ﺳـﻮﺯ ﻭﺋـﺮﯾـﺮﻡ ﻣـﺠﻨـﻮﻥ ﺩﻭﺭﺍﻥ ﺍﻭﻻﺭﺍﻡ

:: مرتبط با: شعر های آذربایجان آذری ,
:: برچسب‌ها: شعر عاشقانه ترکی آذری , ترک قیزی , شعر ترکی , شعر ترکی عاشقانه‍ , شعر زیبای ترکی , شعر عاشقانه آذربایجان , شاعران ترک ,
 



مزارستان
نوشته شده در پنجشنبه دوازدهم بهمن 1391
ساعت : ساعت 01 و 11 دقیقه و 42 ثانیه
نویسنده : Hossein Ashrafi
 

بیر گون یولوم دوشدی مزارستانا

 

 ایله حس ایلدیم دوران یاتبدی

 
گوردوم انسانلاری سسیز صداسیز

 

بیلدیم دن قورتاریب درمان یاتبدی 


سویکدیم بیر داشا ناتوان دیزی

 

زیارت ایلدیم اخر اویمیزی 


گوردوم دار قبرده ظالم چنگیزی

 

ایلیب دنیانی ویران یاتبدی 


ایستدیم قایدام ایاق دایاندی

 

باخدیم بیر قبره اورگیم یاندی 

 


دنیانی ترک ادیب بیر آز زماندی

 

یار وصلین گورممیش جوان یاتبدی 


حیرصدن دیشلریم بیر بیرین یدی

 

گوزوم گاه اغلادی گاه گولومسدی 

 


داشین اوستوند کی یازیلار ددی

 

 شاعر آستا یری انسان یاتبدی 


القانا بویادی دیشیم دوداقی

 

 هر ندن چتیندی اولاد فراقی 


گوردوم بیر قبرده خیردا اوشاقی

 

اناسینان اوزاق گریان یاتبدی 


اویما بو دنیانین پیس مرامنا

 

دنیا سلیمانلار چکمیش کامینا 


 

یولچی تعنه ورور شاه مقامنا

 

 اقادان یوخاری چوبان یاتبدی 


اوردا هیتلر دوروب جنایت اتمز

 

یولداش یولداشیا خیانت اتمز 


یوخسولوخ بیر کسی خجالت اتمز

 

توپراق ایچینده هامی یکسان یاتبدی 


توپراق آلتیندا اریب بدنلر

 

 گلدیگیم ندندی گتدیگیم ندن 


بیریسی تابایپ اوچ قارچ کفن

 

قراندریق مکاندا عریان یاتبدی 


اوردا نه جلاد وار نه دار آغاجی

 

قارداشین تانمور اوردا خان باجی 


دونوب یار یارینا باخمور قیقاجی

 

اداسیز عشوسیز جیران یاتبدی


 تپراق التیندا گوردوم من آیرلمازی

 

گلیب گتمگینه حیران یاتبدی


:: مرتبط با: شعر های آذربایجان آذری ,
:: برچسب‌ها: مزارستان , شعر زیبای ترکی ,
 



شعر زیبای ترکی
نوشته شده در پنجشنبه دوازدهم بهمن 1391
ساعت : ساعت 01 و 03 دقیقه و 30 ثانیه
نویسنده : Hossein Ashrafi
ShowLetter


سنین ای نازنین دوستوم زیمیستانون باهار اولسون/سعادت تاجی باشوندا همیشه برقرار اولسون

امیدیم واردی او حقه، نیازون اولماسون خلقه/سنی خار ایستین ظالیم ذلیل روزگار اولسون...




:: مرتبط با: شعر های آذربایجان آذری ,
:: برچسب‌ها: شعر زیبای ترکی ,
 



شعری در مورد یکی از اسطوره های آذربایجان (سارای)
نوشته شده در جمعه بیست و هفتم مرداد 1391
ساعت : ساعت 02 و 21 دقیقه و 07 ثانیه
نویسنده : Hossein Ashrafi
شعری در مورد یکی از اسطوره های آذربایجان (سارای)



سارا بیر آیدی بیزیم اللره آیسز گجه لر ----------------- بیر اوجا سسدی قولاق وئر اونا هایسز گجه لر

سارا بیر باغدی طبیعتدن آلیب قول بوداقی ----------------- بیر شیرین ماهنیدی یانلیزاوخیار ائل دوداقی

سارا بیر قیزدی سودان سورمه چكبپ گوزلرینه ----------------- جان دییب بیرده اوركدن آرازین سوزلرینه

سارا سئودا ایله دونیانی آنان بیر قیزدی ----------------- او قارانلیق گئجه نی آیدین ائدن اولدوزدی

سارا سودا ایله دونیانی آنان بیر قیزدی ----------------- سارا غملر اوجاقیندا آلیشان بیر كوزدی

بیر نجابتلی گلین دیر ائله آسلان سایاغی ----------------- قویمادی قار ائده دنیاسنی چاقال ایاقی

اوزونی آتدی سئله اوزگنی حیران ائلدی ----------------- اویانان شمعینی پروانیه قربان ائله دی

قوشولوب سللره گتدی آنا یوردون ساراسی ----------------- قالدی شیرین اورگینده یئنه فرهاد یاراسی

باغلادی ساچلارینی قویمادی بیگانه گوره ----------------- آنا یوردون قیزی وئرمز ساچین هر كیمسه هوره

گلین اولدی آرازا اوردا تویون توتدی سارا ----------------- سوئله دی اوردا اورك سوزلرینی نازلی یارا

آراز آغلار گوز ایله آلدی سارای اللرینی ----------------- دارادی ائل قیزینین بیرده قارا تللرینی

گتدی گوزلردن اوزاق دوشدی ائلین بیردنه سی ----------------- گورمدی خان چوبانین آیریلیقین سون نفسی

سارا گوز لر دن اوزاق دوشسده ایتمز اثری ----------------- بیر یاراق تك سوزونون واردی هله چوخ كسری

:: مرتبط با: شعر های آذربایجان آذری ,
 



وطنیم آغلیر
نوشته شده در جمعه بیست و هفتم مرداد 1391
ساعت : ساعت 01 و 56 دقیقه و 30 ثانیه
نویسنده : Hossein Ashrafi

http://sokksok.persiangig.com/%D8%B9%DA%A9%D8%B3%D9%87%D8%A7%DB%8C%20%D8%AE%D9%88%D8%AF%D9%85/23670_pNAUCQ81.JPG


ای کؤنول ! یولونو سال قارا داغدان
آنالارنیسگیلین آل قاراداغدان
«یانیق کرمی» نی چال قاراداغدان
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ اوره یی قان اولان وطنیم آغلیر
باغری شان – شان اولان وطنیم آغلیر


یوللاردان کسیلیب گلیب – گئده نی
یولدان قایتارمیر لار یاردیم ائده نی!
کؤرپه نین سولوخموش ،جانسیز بده نی ،
آنا قوجاغیندا ! سینه می داغلیر
باغری شان - شان اولان وطنیم آغلیر


دئپره م قویماییبدی داش اوسته داشین
دیری قالانیدا ایتیریب باشین
مله یه – مله یه باجی قارداشین
سویوق یئرده ن ایستیر !گؤیده ن سوراغلیر
باغری شان – شان اولان وطنیم آغلیر


یوردو داغیلیبدی اولو میلتین
قوینوندا قالیبدی قولو میلتین
ئولومده ن کئچیلیر یولو میلتین
قارادغ قاراسین باشینا باغلیر
باغری شان – شان اولان وطنیم آغلیر

ئولمزیک ! یاشاماق قانیمیزدادیر
قئیره تلی «ستارخان» یانیمیزدادیر
وطنداش سئوگی سی جانیمیزدادیر
35 میلیونون گؤزیاشی چاغلیر
قارداغ قاراسین باشینا باغلیر

ائلدار قره باشلی (عقیل مرادی)

:: مرتبط با: شعر های آذربایجان آذری ,
 



در سوگ ماتم جان باختگان زلزله اهر هریس ورزقان
نوشته شده در جمعه بیست و هفتم مرداد 1391
ساعت : ساعت 01 و 52 دقیقه و 34 ثانیه
نویسنده : Hossein Ashrafi

اگر بو دونیادان واقت سیز کوچرسم

آغلاما آغلاما آنام آغلاما

گوزونده گوز یاشی ؛ اوره گینده غم

آغلاما آغلاما آنام آغلاما

چمن گوللریندن آلیب عطریمی

سن داها ایسته مه منیم خطریمی

قبیریمین اوستونده منیم عکسیمی

سن گوروب آغلاما آنام آغلاما

دوروب عصر لری بیر بیر واراقلا

اوخو بو دونیانین مین بیر ماراقلا

ایسترسن سن آنا ، یوز ایل سراغلا

من گلن دئگیلم آنام آغلاما

آغلاما آغلاما آنام آغلاما


:: مرتبط با: شعر های آذربایجان آذری ,
 



افتخاریم بودی تُرکم ، دیلیم آذر دیلیدی
نوشته شده در جمعه بیست و هفتم مرداد 1391
ساعت : ساعت 01 و 50 دقیقه و 17 ثانیه
نویسنده : Hossein Ashrafi

افتخاریم بودی تُرکم ، دیلیم آذر دیلیدی


افتخاریم بودی تُرکم ، دیلیم آذر دیلیدی

دیوسوز هرنه دیون ، تُرکه بو دیل سئوگیلیدی


دَده قورقوددی دَدَم ، سازی باسوب سینه سینه


سازینون پرده لَری ، خلقه ، ایپَک تک تِلیدی


قهرمان بابکیمیز واردی آدی ذروَه ده دی


دیَه بیلَّم که اوزی تک لیگینه ، مین ائلیدی


سارا عصمتلی گلین لَر بِجَریب آذر ائلی


عِصمَتین حِفظ اِئلماقلیقدا ، پَناهی سِئلیدی


خان چوبانلار واریمیزدی ، نبی لر ، دُمْرُل لَر


هَر بیری تُرک ائلینون زحمتینون حاصلیدی


شهریار ترکیدی، سعی ایلَمه سن فارس ائده سن


او اَدَب گُلشَنینون ایچره سولونماز گُلیدی


تُرک دانماز دیلینی ، بَلکه اونا فَخر ائلیَر


دیلینی دانسا بیری ، سَن دیری سانما ، اُلیدی


قوچ کور اوغلی، دَلی ایوازی تانور تُرک اوشاقی


گر چه مسکن اولارا ، داغ آرا چَنلی بئلیدی


ساتقین اولما ، دیلووی ساتما آماندور یلیگ اول


فارسی اورگَتمَک اوشاقه بو دیلین قاتلیدی


فارسینی اورگَشَجَکدور اوشاقون جامِعَه دَن


گوزَل ایرانیمیزین ، فارسی که رَسمی دیلیدی


اِئوده باری اوشاقونلان ، گوزَلیم تُرکجَه قونوش


دئمَه سین بیرگون او،تُرکی دیلی،چوخ مُشگلیدی


دَرد دانیشدیردی گنه ((جعفری))نی نیلَه مَه لی


بونی یاخشی بیلورَم ، سَن دیَه جَکسَن دَلیدی

 شعر: جعفری زاویه


:: مرتبط با: شعر های آذربایجان آذری ,
 



شعر ترکی عاشقانه
نوشته شده در سه شنبه نهم خرداد 1391
ساعت : ساعت 02 و 43 دقیقه و 39 ثانیه
نویسنده : Hossein Ashrafi
http://sokksok.persiangig.com/%D8%A8%D9%86%D8%B1%D9%87%D8%A7/p17mfuq0olsmflhbas2a.gif
یالقیزلیق

غم ده ن منیم بیر گوزلوک وار گوزومده

دانیشاندا غم گورسه نیر سوزومده
یانمیشام من ,کولومده وار ,کوزومده

داغلار بیلیر یولار بیلیر سنده بیل


چوخ گجه لر صبحه کیمی یاتمادیم

بیر توکونو بیر عالمه ساتمادیم
بیر آن سنی اوزگه لره قاتمادیم

داغلار بیلیر یولار بیلیر سنده بیل


سسله میشم گجه گونوز آدینی

اورک هله اونودماییب دادینی
گوزلریمده گزدیریرم یادینی

داغلار بیلیر یولار بیلیر سنده بیل


سن گوزومون ایشیغی سان ,جانیم سان

آیدینلیغیم ,سحریمسه ن ,دانیم سان
اوره ییمی دولدوروبسان قانیمسان

داغلار بیلیر یولار بیلیر سنده بیل


سنده ن اوتور داغی داشی آشارام

ده نیز ته کین دالغالانیب داشارام
بیر سن اولسان گورر منی یاشارام
داغلار بیلیر یولار بیلیر سنده بیل

سن کی گئددین من تک قالدیم آغلادیم

شاملار کیمی یاندیم ,دالدیم ,آغلادیم
یالقیزلیغین سازین چالدیم آغلادیم
داغلار بیلیر یولار بیلیر سنده بیل

غم یایندان اورییمه دیسه اوخ

کوله دوشوب داغلار گزسه م چوخدان چوخ
من بیلیرم امک بیلن یوخدی یوخ

داغلار بیلیر یولار بیلیر سنده بیل


سون سوزومده قاباقچی دیر هاماندیر

سالما گوزدن جانیم منی آماندیر
سن سیز حالیم یامان دان دا یامان دیر

داغلار بیلیر یولار بیلیر سنده بیل



((شاعر: سعید رحمانی))
کلیه حقوق این شعر متعلق به نویسنده می باشد...


:: مرتبط با: شعر های آذربایجان آذری ,
:: برچسب‌ها: شعر ترکی عاشقانه , ((شاعر: سعید رحمانی)) , شعرهای عاشقانه ای ترکی آذری و وووادبی ,
 



یک شعر عاشقانه ترکی
نوشته شده در سه شنبه نهم خرداد 1391
ساعت : ساعت 02 و 37 دقیقه و 35 ثانیه
نویسنده : Hossein Ashrafi

گوزلرین آچ بیر گئجه تا من گوروم میخانه نی
( چشمهایت را یک شب باز کن تا من میخانه را در آن ببینم )

دونیانی ترک ایلییپ من دولدوروم پیمانه نی
( دنیا را ترک کرده ، پیمانه را پر کنم )

بی وفا اولسا نیگاری بیر کسین بیچاره دیر
( اگر یار کسی بی وفا باشد ، او بیچاره است )

بولبولون حالین دوشونمز گول، دئمه افسانه نی
( حال بلبل را گل نمی فهمد ، پس افسانه سرایی بس است )
 
اوت توتار عشقین یولوندا جان ورر بیچاره شمع
( شمع بیچاره در راه عشق آتش میگیرد و جان می دهد )
 
اما عاشیق سویلیرهر کیم گوره پروانه نی
( اما عاشق دوست دارد که هر کسی پروانه را ببیند )
 
قانلی کونلوم گوزلییر یول تا سنه قوربان اولا
( چشم خونبار من چشم به راه توست تا قربانت شود )
 
گل بو هیجراندان خراب ائتمه داها کاشانه نی
( از این هجران بیا و دیگر کاشانه را خراب نکن )
 
هر کونول الدن وره یارین او بیر ویرانه دیر
( هر دلی که یار خود را از دست بدهد یک ویرانه است )
 
بیر نظریار ائلسه آباد ائدر ویرانه نی
( اگر یار یک نظر بکند این ویرانه آباد می شود )
 
گر منی چکسن دارا اولدورسن الدن توتمارام
(اگر مرا به دار می کشی ، بکش ، من تو را از دست نخواهم داد )
 
اولدور نده اوپ محبتدن دل دیوانه نی
( آری بکش ، نه این که از روی محبت دل دیوانه را ببوسی )
 
عاشیقه بیر گون دئدیم ترک ائله او یاری ، دئدی
( یک روز به عاشق گفتم ، یارت را ترک کن ، گفت )
 
 بیلمیسن عشق آتشی له یاندیریپ غمخانه نی؟
( نمی دانی که با آتش عشق غمخانه را به آتش کشیده است ؟ )

هامینی ترک ائلرم هر کیمسه واردیر دونیادا
( همگان را ترک می کنم ، هر کسی که در دنیا هست )
 
اما من ترک ائدمرم او ساقی دوردانه نی
( اما من آن ساقی دردانه را ترک نخواهم کرد )
 
سنده گل ترک ائله مسجید تا گئدخ میخانه یه
( تو هم بیا مسجد را ترک کن تا با هم به میخانه برویم )
 
توبه ائد ،سن محرم اول اوپ دیلبر جانانه نی
( توبه کن ، تو محرم شو و دلبر جانانه خود را ببوس )
 
سونرا گل با هم "وفا" جاندان اولاخ قوربان اونا
( بعد بیا ای وفا تا با هم از جان و دل قربان او شویم )
 
آغلایاخ شاید اشیدسین گریه ی مستانه نی
( گریه کنیم با هم تا شاید گریه مستانه ما را بشنود )

:: مرتبط با: شعر های آذربایجان آذری ,
:: برچسب‌ها: یک شعر عاشقانه ترکی , انواع شعر عاشقانه ای ترکی آذری وووووادبی ,
 



ساعت : ساعت 09 و 07 دقیقه و 55 ثانیه
نویسنده : Hossein Ashrafi

سنی تاری بایرام خانیم                                   راضی اولما من اوتانیم


بایرام دا یوخدور تومانیم                                 گئت تبریزه ، گلمه بیزه

==========

من ده یوخ حوصله بایرام !                             الیم بوشدور هله بایرام !


شیل اولاسان بئله بایرام                                گئت تبریزه ، گلمه بیزه

==========
بایرام اگر گلسن بیزه                                    بیر شال گتیر قارا قیزه


گتیرمه سن ، گت تبریزه                                گلمه بیزه ،  گلمه بیزه

==========
گلسن بیزه آغام جانی                                      باشین یاررام ، آخار قانی


اوغلانین یوخدور تومانی                               گئت تبریزه ، گلمه بیزه

==========
گؤرسن آخیر چرشنبه نی                             سؤیله اینجتمه سین منی


پلووون یوخ یاغی – دنی                              گئت تبریزه ، گلمه بیزه

==========
ساققیزی سالمیشام انگه                                  اوغلان گتدی منی تنگه


پول یوخدور وئرم فیشنگه                            گئت تبریزه ، گلمه بیزه

==========
بایرام ! واللاه یوخدور ناریم                          یاری گورمه یه آپاریم


نار وئرمه سم ، کوسر یاریم                          گئت تبریزه ، گلمه بیزه

==========
وارلی یئییر یاغلی چیلوو                              یوخسول چکر ، غصه – خینوو


بیزده یوخدور ، خوروز پیلوو                        گئت تبریزه ، گلمه بیزه

==========
یوخسول مین درده توش اولار                       منی ایچمه دن سرخوش اولار


تبریز حالواسی خوش اولار                          گئت تبریزه ، گلمه بیزه


:: مرتبط با: شعر های آذربایجان آذری ,
:: برچسب‌ها: شعر ترکی از معجز شبستری در مورد عید نوروز- معجزین ترکی شری بایرام اوچون ,
 



َبازم شعر آذری عاشقانه
نوشته شده در چهارشنبه بیست و ششم بهمن 1390
ساعت : ساعت 23 و 26 دقیقه و 00 ثانیه
نویسنده : Hossein Ashrafi

یارین بویون قوجاقلادیم، یارآغلادی من آغلادیم

ییغیشدی قونشولار بوتون جارآغلادی من آغلادیم

 

                     باشیندا قار قالان داغا، دانیشدیم آیرِ یلیق سؤزون

                     بیر آه چکیب باشینداکی قارآغلادی من آغلادیم

 

تاریمدا نار آغاجلاری منی گؤروب دانیشدیلار

بویومو زیتون اوخشادی نار آغلادی من آغلادیم

 

                     اؤرک سؤزون دئدیم تارا سیملر اولدو پارا- پارا

                     یاواش- یاواش سیزیلدادی تار آغلادی من آغلادیم

 

دئدیم کی حاق منیم کی دیر باشیمی چکدیلر دارا

طناب کسنده بوینومو دار آغلادی من آغلادیم

 

                      ایلیگه  اسدی بیر خزان تالاندی گوللریم منیم

                      خبر چاتینجا بولبوله خار آغلادی من آغلادیم


:: مرتبط با: شعر های آذربایجان آذری ,
:: برچسب‌ها: َبازم شعر آذری عاشقانه , یارین بویون قوجاقلادیم , یارآغلادی من آغلادیم , ییغیشدی قونشولار بوتون جارآغلادی من آغلادیم ,
 



ساعت : ساعت 23 و 26 دقیقه و 15 ثانیه
نویسنده : Hossein Ashrafi
 

    

 

       اگر چه خوانندگان محترم وبلاگ با غزلهای عاشقانه ی استاد غزل مرحوم علی

آقا (واحد)،آشنائی دارند.ولی به منظور کنکاش بیشتر در دیوان غزلیات و مکتب

واحد،بر آن شدیم،غزل عاشقانه ی دیگری از این عجوبه ی غزلسرای معاصر را با

ترجمه ی تحت الفظی آن در اختیار علاقمندان قرار دهیم.

 

همانطوریکه قبلن نیز اشاره شد،عمده عناصر شعری غزلیات عاشقانه واحد را

وطن،خاک،ملت،صفت مردانگی و همچنین معشوقه ی مجازی تشکیل می

دهند.واحد در غزلیات عاشقانه ی خود و با در نظر گرفتن مخاطب مجازی،که یار با

مرام و با اندیشه ی بلند می باشد!از وطن ، ملت و هستی خود دفاع می کند.

 

لذا از شعرا،اندیشمندان،ادبا و خوانندگان محترم علاقمند به ادبیات در خواست می

نماییم،تحلیل ها و همچنین نقد و نظرات سازنده ی خود را جهت شناساندن عالمانه

ی مکتب عشق در غزلیات واحد،در پیامهای عمومی خود ابراز بدارند.تا باشد بدین

طریق جملگی خدمتی بر ادبیات عاشقانه ی معاصر نموده باشیم.

 

ادامه مطلب
:: مرتبط با: شعر های آذربایجان آذری ,
:: برچسب‌ها: شعر آذری استاد غزل مرحوم علی آقا (واحد)سئوگیلیم , عشق اولماسا , وارلیق بوتون افسانه دیر! , شعر ترکی با ترجمه ی فارسی:(یاشیل) ,
 



شعر واقعا زیبا و عاشقانهای آذری باخدیم دالیسیجا یار گئدنده
نوشته شده در چهارشنبه بیست و ششم بهمن 1390
ساعت : ساعت 23 و 23 دقیقه و 02 ثانیه
نویسنده : Hossein Ashrafi

***

باخدیم دالیسیجا یار گئدنده ،

بیر یولدا دئدیم باخار گئدنده ،

 

باخدی قاپیدان کئچنده گولدو ،

بیلمیردی اورک اومار گئدنده ،

 

باغلاندی دیلیم اورکدن آمما ،

آز قالدی چئکم (چَکم ین زنجان شیوه سی) هاوار گئدنده ،

 

گئتمه گئدیسن ؟ یاواش – یاواش گئت ،

جانیم بیلی سن چیخار گئدنده ،

 

دؤندر گؤزونو خومار – خومار باخ ،

قویما منی ده ، خومار گئدنده ،

 

سن سیزلیگه دوزمگیم چتیندی ،

گل جانیمی آل قوتار گئدنده ،

 

سندن سورا عشقی نئیلیرم من ،

آل عشقینی ده آپار گئدنده ،

 

مئهر ایله نوازش ائیله بلکه ،

گول بیتسین اورک ده قار گئدنده ،

 

من گؤر نه دئییردیم اؤز اؤزوملن ،

قول بوینوما بیر سالار گئدنده ،

 

بیچاره اورک بولود کیمین دیر ،

گؤردوکجه سنی دولار گئدنده ،

 

دای « جعفری » بسدی خلعت ،

سؤز اوستادی شهریار گئدنده ،

 

ایراندا هونر دیلنچی لیک دیر ،

باخما کی تاپار ویقار گئدنده ،

               


:: مرتبط با: شعر های آذربایجان آذری ,
:: برچسب‌ها: شعر واقعا زیبا و عاشقانهای آذری باخدیم دالیسیجا یار گئدنده , ایراندا هونر دیلنچی لیک دیر , باخما کی تاپار ویقار گئدنده , انواع شعر ترکی و آذری ,