تبلیغات
♥سیاسی♥بین المللی ♥فرهنگی ♥دینی ♥اقتصادی ♥علمی ♥ورزشی ♥ - مطالب اشعار شاهی اردبیلی ایکو
 
 
پیغام مدیر :
با سلام خدمت شما بازدیدكننده گرامی ، خوش آمدید به سایت من . لطفا برای هرچه بهتر شدن مطالب این وب سایت ، ما را از نظرات و پیشنهادات خود آگاه سازید و به ما را در بهتر شدن كیفیت مطالب یاری کنید.
 
 
گونش دوشمزدی گوزدن
نوشته شده در دوشنبه سی ام آبان 1390
ساعت : ساعت 23 و 58 دقیقه و 22 ثانیه
نویسنده : Hossein Ashrafi

باشیم تک بیتدی آق توک‌لر قاشیم دان

گئنه دیوانه لیک چیخماز باشیم دان

اوتن گون اوز قولاغیم لن ائشیتدیم

آراز ائیلردی صحبت گوز یاشیم دان

سو اوستونده حیاتیم نقش لنمیش

نصیبیم اوددو اما نقاشیم دان

گلر بیر گون اوزوم دن اوپمه ین لر

اوپرلر تورپاغیمدان یا داشیم دان

گونش دوشمزدی گوزدن گر اولایدی

ضیالی بیر گونوم آلتمیش یاشیم دان

یاوان آلچاقدی یا منت لی یاغ لی

جوابین تاپمیشام دن سیز آشیم دان

من ایلن غم ائکیز قارداش دی شاهی

شکایت ائتمه رم من قارداشیم دان

عسگرشاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر گونش دوشمزدی گوزدن از شاهی اردبیلی , انواع شعر ترکی آذری , انواع شعر عاشقانه , انواع شعر مذهبی , انواع شعر ادبی , انواع شعر طنز , زندگی نامه شاعران ایرانی و خارجی ,
 



اندیشه‌ام اوچموش
نوشته شده در دوشنبه سی ام آبان 1390
ساعت : ساعت 23 و 57 دقیقه و 22 ثانیه
نویسنده : Hossein Ashrafi

اندیشه‌ام اوچموش ای دل گوگده‌ن گوگه قوناق دیر

نیلیم کی یار شیرین اندیشه ده‌ن قاباق دیر

گوستردی صورت اول شاه گیزلت جمالین ای ماه

گوزسه سنی دییر آه آی دیر بو یا اوراق دیر

زاهد اگر ووروور می عیب ائتمه سن ده وور نی

ایمانی یاندیران شیء آتش دگیل فراق دیر

من بیلمیره‌م او اینجه بئل دیر و یا دوشونجه؟

من بیلمیره‌م او غنچه جان دیر و یا دوداق دیر؟

چک خلقه تیر ابرو ائت ملتین قانین سو

باخما بویورسا یارو ملت شاها دایاق دیر

هر رنگه امر ائدیرسن اول رنگه چئوریلیم من

خلقی بو گون دیکلده‌ن دانش دگیل بویاق دیر

ای هجره مبتلالر من تک یانان گدالر

سلطانیمیز یاتیب گر اللاهیمیز اویاق دیر

بیر قاره زولفه باغلان قول اول بیرینه داغلان

درک ائت بونو آی اوغلان آزاده لیک قاچاق دیر

ظالم کی قلبی داش دیر فکرائتمه بینی بوش دیر

چوخ گوزده اگری خوش دی چوخ یئرده باش ایاق دیر

شاهی یانیب یوووشدو توفانیلن قووشدو

آتمیش یاشین سوووشدو اما گئنه اوشاق دیر

عسگر شاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر اندیشه‌ام اوچموش از شاهی اردبیلی ,
 



امام رضا(ع)نین مدحی
نوشته شده در دوشنبه سی ام آبان 1390
ساعت : ساعت 23 و 55 دقیقه و 58 ثانیه
نویسنده : Hossein Ashrafi

گوگ ده آدین تا گلیر تیتره یر عرش برین

یئرده نه ده ن بیربئله منزلین اولموش درین

سن ملکوت اهلی سن ای بشرجان من

یئرده سنی حبس ائده ن نفس دیر ای نازنین

نفسی کی ائتدین اسیر عالمه اولدون امیر

مین صفتین اولدوبیر بیر ثمرین اولدو مین

نفسی مسیح و خلیل عشق ایله ائتمیش ذلیل

بخش ائله یب جبرئیل عاشقه حق الیقین

روح وضو عشق دیر سرمگو عشق دیر

واعتصموا عشق دیر عشق دیر حبل المتین

سینه ده عشق اولماسا قلبین اولار بوش کاسا

اوندا دوشرسن یاسا اولسادا فکرین درین

اولماسا عشق ای فلان حاصلی یوخدوراینان

یوز کره ن ائتسه ن بیان نعبدوا یا نستعین

کیم گوره دلبر قاشین اگمه یه باش آت داشین

اگمه دی شیطان باشین اولدو او نادان لعین

باش دئییر آت آدیمی سالما یادا  یادیمی

روحووون اول خادمی تا اولا روح الامین

حسن مکمل دی روح احمد مرسل دی روح

یادائله اول حضرتی کئچ ملکوت عالمین

ای سنه شاهی فدا ایسته سن عیش و صفا

بسدی فقط مصطفی بس دی او نور مبین

عرش وجودوندا غرق رام رکابینده برق

وصفین ائده ر غرب و شرق مدحین ائده ر روم و چین

هردم اوزون ده ن نقاب آچدی او عالیجناب

آی دئدی یوز مرحبا گون دئدی مین آفرین

لشکر اونا کاف و نون منبر اونا حا و میم

شوکت اونا طا و ها دولت اونا یا و سین

سوزدانیشیب دلربا وحی ائشیدیب دلپسند

مکتب آچیب دلگشا دین گه تیریب دلنشین

جلوه سی رضوان دا دیر وارثی ایران دا دیر

ملک خراسان دادیر عالمه سالمیش طنین

قدرینه حیران قضا مدحین ائده ر مرتضی

شهرتی موسی الرضا تربتی مهر جبین

گوزگوسو آهو گوزو ضامن آهو اوزو

قرآنا قارداش سوزو دینه دایاق همچنین

یئددی گویون سالکی آلتی مین این مالکی

بئش گوزه له دین و جان دورد ملکه جان و دین

عشقی وورار قلبه داغ داغی ائده ر قلبی باغ

هم سویو ائیلر چراغ هم اودو ائیلر سرین

امرینه باغلارمیان والشجر یسجدان

قهرینه سویلر دومان یا مطرالمنظرین

باغ دا آدین دوتسا باد باغ اوخویار و ان یکاد

کیم اونو دوز ائتسه یاد اولدو من المکرمین

قلب ده اود گوزده یاش سجده یه کی قویدوباش

باشلادی ذکرین یاواش کئچدی سمادن یئیین

درگهووه ای امام تا دوزه شمع و غلام

هر گئجه اولدوزلارین چرخ ائیله یردست چین

ای عربین ارشدی ای عجمین مرشدی 

سویله دایانسین زامان سسله دانیشسین زمین

وصفووه عاجزدی دیل مطلب آغیرمن خجل

مفتعلن مفتعل عهده لیک ائتسین چتین

قلبیمه ای بخش ائده ن نور و ضیا عرش ده ن

سال باشیما حشره جن کولگه سین اول دلبرین

عسگر شاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر در امام رضا(ع)نین مدحی از شاهی اردبیلی ,
 



سوروشدوم
نوشته شده در دوشنبه سی ام آبان 1390
ساعت : ساعت 23 و 54 دقیقه و 36 ثانیه
نویسنده : Hossein Ashrafi

سوروشدوم یار اوزون ده خال سرین پیر دوران دان

دئدی اوز عکسینی سالمیش آیا بیر نقطه قرآن دان

سوکوک قلبیله عارف لر جمال اللهی گورموش لر

نه ده ن آیا تشکـر ائتمه یم من تیر مژگان دان

او زولفه سن ده من تک باغلی سان گیزلتمه ای زاهد

شراب ایسی آغیزدان کشف اولار مکر ایسی ایمان دان

دئدی توکمه بو اندازه گوزونده ن یاش دئدیم ناصح

سنین کی عقل و علمین وار دایانماق اومما عمان دان

منیم قوی باشیما یاغسین ملامت داشلاری چون من

داشا دونموش زامان دا صحبت آچدیم عشق و عرفان دان

قلم لرده ن یونولموش اوخلارا قلبیم نشان اولموش

نه ایستر بیلمیره م شهر اهلی مجنون بیابان دان

سواد زلف دلبرده ن بو بیر معنانی اورگندیم

کی تا محشر سواد اهلی قوتارماز بند و زندان دان

جمالین گوستر اوول صونرا آل جانیمی ای جانان

کی استقبال ائدرلر رسم دیر گوزگوایله قربان دان

دئیرلرکئچدی کیم جان و جهان دان کامیاب اولدو

یالان سوزدور کی شاهی هم جهان دان کئچدی هم جان دان

عسگرشاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر سوروشدوم از شاهی اردبیلی ,
 



من ده بیری
نوشته شده در دوشنبه سی ام آبان 1390
ساعت : ساعت 23 و 52 دقیقه و 43 ثانیه
نویسنده : Hossein Ashrafi

عشق بیر  ملتی غارت ائله ییر من ده بیری

هامی مفلوس لوگه عادت ائله ییر منده بیری

اشکیمین اینجی لرین زولفونه دوزسم نه اولار

چوخلاری کافره خدمت ائله ییر من ده بیری

قان توکن قاشلارینا قبله دئدیم گـر نه عجب

هامی شغلینده سیاست ائله ییر من ده بیری

دوشموشم قامتین آردیجا اگرعیبی نه دیر

چوخلاری مشق قیامت ائله ییر من ده بیری

ائده جان نقدی طلب بوسه ائده م گر یئری وار

بیربولوک خلق تجارت ائله ییر من ده بیری

مست اولوب یار اوزونو جام ده گورسم نه عجب

مین ده لی عکسی زیارت ائله ییر من ده بیری

مدعی سرکی لرینده ن نه دئییم من کی او طفل

چوخ شه و شیخه جسارت ائله ییر من ده بیری

می ایچیب مسجدی تبلیغ ائله سم قهر ائله مه

چوخلاری ترسه هدایت ائله ییر من ده بیری

شاهیا جمله یارانمیشلار او دلدار آدینا

دم به دم  ذکر و تلاوت ائله ییر  من ده بیری

عسگر شاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر من ده بیری از عسگر شاهی اردبیلی ,
 



حدیث دل
نوشته شده در یکشنبه یکم آبان 1390
ساعت : ساعت 00 و 05 دقیقه و 05 ثانیه
نویسنده : Hossein Ashrafi

جز حدیث دل که با شاهی دهان جام گفت

هر چه گفت اهل دلیل و درس و دانش خام گفت

می‌فریبند اهل ظاهر را به بوی باغ خلد

این حدیث معتبر را مرغکی در دام گفت

با چنین صنعت که زاهد می‌کند در لفظ و لحن

سنگ‌ها را می‌توان آئینه‌ی اسلام گفت

رشته‌ها شد مار و من حبل‌المتین جویم هنوز

هر که گفت از عقل دارم بهره‌ای سرسام گفت

غنچه‌ها را کاین چنین اندر فلاخن می‌نهند

بد مبین گر سوسنی واعظ شد و دشنام گفت

روز رجعت باید از سوراخ سوزن بگذری

این سخن با ترمه پوشی درزی ایام گفت

هرچه گفتار است بر دیوار و در کوبیدنی است

جز حدیث دل که با شاهی دهان جام گفت

عسگرشاهی اردبیلی


:: مرتبط با: اشعار شاهی اردبیلی ,
:: برچسب‌ها: جز حدیث دل که با شاهی دهان جام گفت هر چه گفت اهل دلیل و درس و دانش خام گفت می‌فریبند اهل ظاهر را به بوی باغ خلد این حدیث معتبر را مرغکی در دام گفت با چنین صنعت که زاهد می‌کند در لفظ و لحن سنگ‌ها را می‌توان آئینه‌ی اسلام گفت رشته‌ها شد مار و من حبل‌المتین جویم هنوز هر که گفت از عقل دارم بهره‌ای سرسام گفت غنچه‌ها را کاین چنین اندر فلاخن می‌نهند بد مبین گر سوسنی واعظ شد و دشنام گفت روز رجعت باید از سوراخ سوزن بگذری این سخن با ترمه پوشی درزی ایام گفت هرچه گفتار است بر دیوار و در کوبیدنی است جز حدیث دل که با شاهی دهان جام گفت عسگرشاهی اردبیلی , حدیث دل عسگرشاهی اردبیلی ,
 



اولسون
نوشته شده در یکشنبه یکم آبان 1390
ساعت : ساعت 00 و 03 دقیقه و 51 ثانیه
نویسنده : Hossein Ashrafi

قاشلارون قبله گاه اولور اولسون

اگری لر روبه راه اولور اولسون

زولفووه آشنا اولان گون ده‌ن

روزگاریم سیاه اولور اولسون

قتلینه صف چکیب او کیپریک‌لر

هر بیری بیر سپاه اولور اولسون

حسنووون مین چیچک لی باغیندان

قسمتیم بیرجه آه اولور اولسون

فتنه جو ساچلارین وئریب فتنه

فضل و دانش گناه اولور اولسون

شاهی‌ام من ده نکته بین لر تک

شوکتیم اشک و آه اولور اولسون

ایندی کی شهریاریمیز گئتدی

هر گدا هاردا شاه اولور اولسون

عسگرشاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر اولسون از عسگرشاهی اردبیلی ,
 



بیر ملک گورکم لی سیما گورموشم
نوشته شده در یکشنبه یکم آبان 1390
ساعت : ساعت 00 و 02 دقیقه و 45 ثانیه
نویسنده : Hossein Ashrafi

ای جماعت بیر ملک گورکم لی سیما گورموشم

درس آلین من ده‌ن کی من صورت ده معنا گورموشم

کیپریگ ایملن آچیمیشام بیر قاره زولفون حلقه سین

اوردا افلاطون گزه‌ن معنانی پیدا گورموشم

قانلی اشک ایلن یویوب پاک ائتمیشم بو گوزلری

باخمیشام زیبا اوزه جنات الاعلا گورموشم

کیم دئسه یوخ دان وار اولماز سویله ین ای بی خبر

من یوخو وار ائیله ین بیر چشم شهلا گورموشم

سورماین محشر سوزون علامه‌ده‌ن من ده‌ن سورون

من قیامت قالدیران بیر قد رعنا گورموشم

یئرده هوندور داغلاری حیران ائده‌ن بیر سرو قد

گوگ ده گون ده‌ن باج آلان بیر ماه سیما گورموشم

عارفه جان بخش ائده نده لطفی ای دل باخمیشام

عاشق این جانین آلان دا حسنی جانا گورموشم

کلمه کلمه لب لرین ده‌ن سوز آچان چاغلاردا من

شدده شدده گوهر و یاقوتی رسوا گورموشم

عشق اوخوایلان کیپریگ این نقش ائتمیشم جان لوحینه

غیب سرین نقش ده یا بیلمیشم یا گورموشم

اولماسا علم‌ایم ده دولغون تجربه‌ام وار (شاهیا)

باش دا کی آغ توک لریم سویله‌ر کی دنیا گورمیشم

عسگرشاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر بیر ملک گورکم لی سیما گورموشم از شاهی اردبیلی ,
 



ساغرینی حزن ایله دولدور
نوشته شده در یکشنبه یکم آبان 1390
ساعت : ساعت 00 و 01 دقیقه و 40 ثانیه
نویسنده : Hossein Ashrafi

گه‌ل اورک ساغرینی حزن ایله دولدور حالا باخ

آجی خول دان آسیلی جان کیمی شیرین بالا باخ

ای الف قد دوشوب آردینجا اورک‌لر سورونور

گورمه‌ک ایسترسن اگر محشری دون بیر دالا باخ

دئدیم ای پیر ایکی دنیا اولو بیر نقطه یه جمع

دئدی شبهه‌ن وار اگر دلبر اوزونده خالا باخ

آتام ائیلردی سفارش می و نی دن چکین ام

زاهدین حرفی دی بو حرف کال اوغلو کالا باخ

قوجا دنیا فئلی مغرور ائله میش شخصه دئین

رستمین تورپاغینی بو یئله وئرمیش زالا باخ

عاقبت داشدا دا تاثیر ائله دی شعرلریم

حجت ایسترسن اگر شیخ ائدن استقبالا باخ

هوس و حرص ایله شاهی ده دئدیم ال بیر اولوب

دئدی قوزقونلارا گاهی قوشولان قارتالا باخ

عسگرشاهی اردبیلی


:: مرتبط با: اشعار شاهی اردبیلی ,
:: برچسب‌ها: شعر ساغرینی حزن ایله دولدور از شاهی اردبیلی ,